DILI, (TATOLI) – Prezidente Tribunál Rekursu (PTR), Deolindo dos Santos, ohin hala’o enkontru dahuluk ho Primeiru-Ministru, Taur Matan Ruak, iha mandatu governasaun da-ualu hodi informa servisu tribunál nian.
ʺMai hato’o preokupasaun balun tribunál nian ba governasaun Primeiru-Ministru nian para haree hodi la’o ba oin”, hatete Deolindo ba jornalista sira iha Palásiu Governu.
Deolindo dos Santos esplika preokupasaun tribunál nian maka bele hetan orsamentu, fasilidade no seluktán hosi Governu hodi hadi’a di’ak liután orgaun Estadu ne’e.
ʺPreokupasaun oinsá atu bele hetan apoiu hosi Governu para bele hala’o servisu ho di’ak liután iha kontestu hothotuʺ, katak.
Sorumutu ne’e PTR lori insituisaun nia naran hato’o felisitasaun ba Xefe Governu hafoin simu pose hosi Xefe Estadu foin lalais ne’e.
Jornalista: Agapito dos Santos
Editora: Rita Almeida
