Ministru Reforma Lejizlativa no Asuntu Parlamentár, Fidelis Magalhães akompaña hosi diretór jerál Prezidénsia konsellu ministru iha ámbitu enkontru ho funsionáriu sira, iha Palásiu Governu

DILI (TATOLI)—Ministru Reforma Lejizlativa no Asuntu Parlamentár, Fidelis Magalhães husu ba funsionáriu iha Prezidénsia konsellu Ministru atu apoiu no implementa polítika Primeiru Ministru Taur Matan Ruak nian ho profisionalizmu tanba nia hatene Primeiru Ministru ema ida sempre iha espíritu servisu ekipa.

Ministru Reforma Lejizlativa no Asuntu Parlamentár, Fidelis Magalhães akompaña hosi diretór jerál Prezidénsia konsellu ministru iha ámbitu enkontru ho funsionáriu sira, iha Palásiu Governu

“Xefe governu sempre iha espíritu ekipa ne’ebé mak forte, Tanba ne’e ezije ba profisionalizmu atu sai ezemplu ba ministériu seluk,” Fidelis Magalhães fó sai lia ne’e bainhira halo enkontru ho kargu diretór no xefia sira iha ámbitu Prezidénsia Konsellu Ministru, ohin, iha Palásiu governu.

Tuir nia observasaun bainhira funsionáriu sira iha prezidénsia konsellu ministru servisu ho profisionalizmu, ministériu refere bele sai ona ezemplu ba ministériu sira seluk.

Ministru Reforma Lejizlativa no Asuntu Parlamentár, Fidelis Magalhães akompaña hosi diretór jerál Prezidénsia konsellu ministru iha ámbitu enkontru ho funsionáriu sira, iha Palásiu Governu

Profisionalizmu, signifika pontualidade iha servisu. “Primeiru Ministru preokupa ho pontualidade tanba nia la’ós tipu ema ne’ebé ezije ema seluk enkuantu nia la halo. Alende ne’e nia mós preokupa ho limpeza.”

Aleinde ida ne’e, nia husu atu funsionáriu sira iha preokupasaun pesoál, hakarak atu hato’o. Gabinete Ministru Reforma Lejizlativa ho Asuntu Parlamentár nakloke ba funsionáriu hotu.

“Sei ita hare ba nasaun tenke hare ema ne’ebé hamutuk ho ita no servisu ho ita tanba sira mak prioridade uluk. Ita hare sira mak sira foin hare preokupasaun iha populasaun,” Fidelis kompara.

“Ita boot sira bainhira dezempeña servisu ba estadu no governu no nasaun ida ne’e, espera katak serve ho laran tomak no valor ida katak serve duni ho povu. Labele sente ema fó presaun ba imi mak imi bele serve.”

Jornalista: Julia Chatarina

Editór : Manuel Pinto

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here