Ministru Reforma Lejizlativa no Asuntu Parlamentár, Fidelis Magalhães.

DILI, (TATOLI) – Ministru Reforma Lejizlativa no Asuntu Parlamentár, Fidelis Magalhães, hateten Governu da-ualu sei diskute orgánika governu iha tempu besik hodi regula servisu ministériu no sekretáriu Estadu durante tinan lima.

“Ami agora to’o ona faze ida hodi haree orgánika Governu, tanba esbosu sira ne’e iha hotu onaʺ, dehan ministru hafoin hasoru malu diária ho Primeiru-Ministru, Taur Matan Ruak, iha Palásiu Governu, ohin.

Alende ne’e, Governu mós sei prepara di’ak liután programa hodi diskute molok entrega ba Parlamentu Nasionál. ʺAmi sei halo di’ak liután programa governu antes aprezentaʺ, tenik tan.

Entretantu, enkontru diária ne’e hodi relata servisu no simu orientasaun. ʺLoroloron ha’u halo enkontru ho Primeiru-Ministru hodi informa, fahe hanoin, simu orientasaun balunʺ, hatutan Fidelis.

Jornalista: Agapito dos Santos

Editora: Rita Almeida

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here