Ministra Finansas en ezersísiu, Sara Lobo Brites. Foto/MF.

DILI, (TATOLI) – Ministra Finansa en ezersísiu, Sara Lobo Brites, hatete haree ba prosesu sira ne’ebé sei lori tempu maka funsionamentu mákina Estadu iha Governu Konstituisonál Daualuk nian provavelmente iha juñu to’o agostu 2018 sei kontinua utiliza orsamentu duodésimu.

“Espera katak iha agostu nia laran ita-nia orsamentu bele aprova no promulga husi Na’i-Prezidente no setembru ita bele hahú ho orsamentu 2018 ne’ebé hetan ona aprovasaun, maibé ida ne’e provavel, ita depende ba kalendáriu ne’ebé mak agora daudaun ita hotu akompaña”, Sara afirma iha Ministériu Finansas Aitarak-Laran, ohin, hafoin serimónia entrega relatóriu serbisu Ministru Planu no Finansas iha Sétimu Governu nian.

Eis Ministru Planu no Finansas, Rui Augusto Gomes, hatutan duodesimál ne’e sei iha vigór enkuantu Orsamentu Jerál Estadu (OJE) seidauk iha.

“Se Orsamentu Jerál Estadu karik hetan promulgasaun iha fulan-agostu ka setembru nia laran signifika katak jullu, agostu sei uza duodesimál”.

Rui akresenta atu utilizasaun duodésimu ne’e bele to’o iha fulan sira ne’e maka jestaun tenke halo ho di’ak.

Jornalista: Maria Auxiliadora

Editora: Rita Almeida

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here