Entrega relatóriu sétimu governu hosi sekretáriu estadu konsellu ministru no komunikasaun sosiál, Matias Boavida (liman los) ba Ministru reforma lejizlativa no asunto parlamentár, Fidelis Magalhaes (klaran) ho Sekretariu estadu komunikasaun sosiál, Mericio Akara (liman Karuk)

DILI (TATOLI)-Sekretáriu Estadu Komunikasaun Sosiál (SEKOMS), ne’ebé antes ne’e haknaar aan iha Prezidénsia Konsellu Ministru (PCM-sigla portugés) sei tutela ba Ministériu Reforma Lejizlativa no Asuntu Parlamentár.

“Hakarak informa katak sei integra SEKOMS ba iha Ministériu Reforma Lejizlativa no Asuntu Parlamentár, la’ós iha Konsellu Ministru nia okos,” informa ministru Reforma Lejizlativa no Asuntu Parlamentár, Fidelis Magalhães, perante funsionáriu no diretiva sira, iha Palásiu Governu, ohin.

Ministru Fidelis informa tan katak Ministériu Reforma Lejizlativa no Asuntu Parlamentár tempu badak sei haree mós orgánika ba ministériu ida ne’e hodi haree tan lei ne’ebé sei presiza.“Ida di’ak, ita hadi’a di’ak liután ba buat ne’ebé iha ona,” subliña governante ne’e.

Nia esplika, ministériu ne’e nia lidera, sei ajuda mós haree ezbosu lei husi ministériu sira, ne’ebé mak iha governu konstitusionál da-walu ne’e.

“Ajuda ministériu sira seluk, sei prepara ezbosu lei husi ministériu sira seluk atu bele sai proposta hodi bele aprezenta iha Konsellu Ministru,” esplika ministru Fidelis hodi konklui.

Entretantu, Fidelis Magalhães nia kargu nu’udar ministru reforma lejizlativa no asunto parlamentár.  Mericio Akara mak sekretáriu estadu komunikasaun sosiál.

Jornalista: Rafy Belo

Editór : Manuel Pinto

HAKEREK NO HATÁN

Please enter your comment!
Please enter your name here