Entrega relatóriu sétimu governu hosi sekretáriu estadu konsellu ministru no komunikasaun sosiál, Matias Boavida (liman los) ba Ministru reforma lejizlativa no asunto parlamentár, Fidelis Magalhaes (klaran) ho Sekretariu estadu komunikasaun sosiál, Mericio Akara (liman Karuk)

DILI, (TATOLI) – Sekretáriu Estadu Konsellu Ministru no Komunikasaun Sosiál (SEKMKS) sesante, Matias Boavida, ohin entrega relatóriu ka retratu governu konstitusionál da-hituk ba Sekretáriu Estadu Komunikasaun Sosiál (SEKOMS) atuál, Merício Juvinal dos Reis “Akara”, akompaña hosi Ministru Reforma Lejislativa no Asuntu Parlamentár, Fidelis Manuel Leite Magalhães, iha Palásiu Governu.

“Hein katak  para o bem de Estado (ba estadu nia di’ak), sei serbisu lori buat ne’ebé di’ak”, katak Matias Boavida, bainhira entrega retratu governu konstitusionál da-hitu.

SEKOMS sesante ne’e mós hatutan kuandu presiza konfirmasaun ruma, nia prontu kolabora no konfirma.

Merício Akara iha nia diskursu badak hateten sei foka iha pontu importante rua mak kontinua buat ne’ebé di’ak husi governasaun anteriór sira no tau aas interese Estadu ho umildade.

Atividade ne’e asiste direta husi Ministru Reforma Lejislativa no Asuntu Parlamentár, Fidelis Magalhães, no funsionáriu sira.

“Apresiasaun profunda ba SEKOMS sesante tan ho jentileza simu (SEKOMS atuál, Merício Juvinal dos Reis-red”, apresia Fidelis Magalhães.

Jornalista: Rafy Belo

Editora: Rita Almeida

HAKEREK NO HATÁN

Please enter your comment!
Please enter your name here