Prezidente Partidu Libertasaun Populár (PLP), Taur Matan Ruak.

DILI (TATOLI)—Timor-Leste tuir polítika, oitavu governu konstitusionál ne’ebé lidera hosi Primeiru Ministru, Taur Matan Ruak sei halo esforsu hodi hametin lasus amizade ho nasaun viziñu Australia no Indonézia.

“Iha relasaun Internasionáis, ita tenke kontinua promove kooperasaun bilaterais no multilaterais, adopta parsearías Kulturáis, ekonómikas no komersiais, importante ba kaptasaun investimentu no kapasitasaun ba instituisoens no rekursus humanus. Tamba ne’é duni mak ita tenke refórsa lasus de amizade no koperasaun ho ita nian viziñu sira mak besik liu ba ita, Indonézia, no Austrália, espesialmente iha implementasaun Kona-ba projetus ba dezenvolvimentu trilateral, ba oportunidades ekonómikas,” Primeiru Ministru afirma, iha nia diskursu hafoin simu pose iha Palásiu nobre, Lahane, ohin.

Nia dehan, Triángulu ba Kresimentu entre Timor-Leste, Territóriu Norte Australia nian, no Provínsia Indonézia, iha Timor Osidentál. Atu hametin liu tan Lasus Istóriku, kulturais no amizade, com paíse sira membrus ba CPLP, ho ajenda komu ho países husi G7+ (G7 Plus).

“Reforsa relasoens iha níveis hot-hotu ho paises husi ASEAN hanesan halo parte ba ita nian esforsu hodi hetan admisaun nu’udar membru permanente; no reforsa tuir mós ba relasoens bilaterais ho paises amigus sira ne’e, no parseirus importantes hanesan, China, Koreia do Súl, Cuba, Estadus Unidos America, Japaun, Nova Zelándia no Portugal, no sira seluk tan.”

“Ita hakarak mós atu aprofunda ita nian partisipasaun iha frente Internasionál no rejionál espesiálmente ho formalizasaun ho kandidatura ba Commonwealth.” Taur fó hanoin

Finalmente nia dehan tan, kontinua atu konfia iha Sosiedade ida bazeada iha Famílias Unidas Saudáveis no Matenek, no fasilita mós armonia dezenvolvimentu ho pakote integradu ho medida no instrumentu ba moris-di’ak sosiál, nomeadamente fó asesu ba servisu báziku ba edukasaun, saúde, eletrisidade, bé-mós, no saneamentu báziku, konservasaun ba rekursus naturais, no meiu ambiente, habitasaun no Urbanismu.

Entretantu Governu ida ne’é, la sei husik kontinua fó lisensa ba projetu ou konstrusoens, se laiha ligasaun ba servisus bázikus.

“Ita la sei aseita Inaugurasaun ba Eskola, hospital ka Edifísiu Públiku ruma, sem buat nesesáriu sira hanesan ligasaun ba bé-mós, eletrisidade, saneamentu, esgótus, meius komunikasaun, internet no seluk tan.” Primeriu Ministru Taur Matan Ruak promete.

(Ekipa Redasaun)

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here