Uma Fukun Parlamentu Nasionál. Imajen/Espesiál

DILI, (TATOLI) – Defensór Públiku Jerál Timor-Leste, Sergio de Jesus Fernandes da Costa Hornai, hateten Ajénsia Brazileira ba Kooperasaun iha Timor-Leste mai hasoru malu ho Prezidente Parlamentu Nasionál, Arão Noe, ho objetivu manifesta vontade polítika ne’ebé durante ne’e sira halo.

“Ajénsia Brazileira ba Kooperasaun iha Timor-Leste ho objetivu manifesta vontade polítika ne’ebé mak sira halo durante tinan 10 resin iha ita nia independénsia no konstrusaun Estadu”, Defensór Públiku, Sergio Hornai, ho ekipa Defensória Públika Brazil dehan ba jornalista sira hafoin hasoru malu ho prezidente parlamentár iha uma fukun, ohin.

Defensória Públika Brazil aproveita oportunidade halo avaliasaun servisu tomak hosi Ajénsia Brazileira ba Kooperasaun ne’ebé halo ba iha setór justisa.

Modalidade ida mak halo servisu hamutuk ho Defensória Públiku Timor-Leste oinsá mak bele hametin instituisaun defensória Públika, atu bele fó prestasaun asisténsia jurídika ba sidadaun.

“Ita hotu hatene katak Timor-Leste hamrik iha Estadu Direitu Demokrátiku, buka forma atu halo parseria metin ho ita nia nasaun viziñu no espesialmente hanesan Komunidade Nasaun Lian Portugués (CPLP-sigla portugés) no Defesória Públika”, katak tan.

Defensória Públika Brazil no Timor-Leste iha nasaun CPL nian nu’udar oportunidade ida katak hakarak esplora no sira mai hamutuk ho ita nia governante sira, prezidente parlamentu no orgaun Estadu sira seluk atu haree probabilidade no vijibilidade ba oin, oinsá mak bele dezenvolve setór justisa.

Jornalista: Zezito Silva

Editora: Rita Almeida

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here