DILI (TATOLI)-Prezidente Frente Dezenvolvimentu Demokrátiku, António de Sá Benevides hateten, partidu koligasaun ne’e laiha objesaun ba lista kargu Primeiru Ministru indijitadu hodi lidera Governasaun da Ualu durante períodu 2018-2023.
ʺAmi laiha objesaun kona-ba naran ne’ebé iha aprezenta hosi AMP ba Presidente Repúblika Francisco Guterres Lu olo,ʺ, Prezidente Partidu PUDD atuál Deputadu Parlamentu Nasionál Kinta Lejizlatura fó nia opiniaun hafoin rona opiniaun hosi Xefe Estadu ohin, iha Palásiu Prezidensiál Bairru Pité, Dili.
Nia dehan, naran se mak atu sai Primeiru Ministru ne’e, sira hatene ona maibé tanba tuir lei so xefe estadu mak iha direitu atu fó sai, nune’e nia sei la temi antisipadamente ba públiku.
ʺIta tenki hein dekretu Prezidente nian tun maka ita bele hatene,ʺ António esplika. Hodi promete ʺAmi pronto para fó supporta, tuir ami ida-idak nia kbiit.ʺ António de sá Benevides hakotu lia.
Jornalista:Agapito dos Santos
Editór : Manuel Pinto
