Parlamentu Nasionál. Foto Relasaun Públika PN

DILI, (TATOLI) – Diretór Apoiu Parlamentár, Armando Machado, hateten partidu koligasaun Aliansa Mudansa ba Progresu (AMP) submete ona lista Prezidente Parlamentár.

“Tuir informasaun katak hosi AMP nian aprezenta ona kargu Prezidente Parlamentu Nasionál mai iha ne’e maibé se mak kandidata-an ita seidauk hatene tanba seidauk anúnsia”, hateten Armando Machado iha uma fukun, ohin.

Armando hatutan: ” Aban mak ita foin asiste hamutuk katak sé mak kandidata-án ba Prezidente PN iha sesaun dahuluk ba abertura lejislatura da-lima nian”.

Enkuantu, Armando afirma Sekretariadu PN halo ona preparasaun másimu atu simu deputadu sira ba lejislatura da-lima nian.

Nune’e mós kestaun tékniku hirak ne’ebé preparadu mak sira nia tur fatin ne’ebé tuir desizaun konferénsia lider sira ne’ebé desididu katak bankada parlamentár rua ne’ebé boot mak Frente Revolusionáriu Timort-Leste Independente (FRETILIN) ho Kongresu Nasionál Rekonstrusaun Timor (CNRT-sigla portugés) okupa fatin iha klaran, Partidu Demokrátiku (PD) ho Frente Dezenvolvimentu Demokrátiku (FDD) tur fatin iha parte weste, enkuantu, parte Leste okupa hosi bankada Partidu Libertasaun Populár (PLP) ho Klibur Unidade Nasionál Timoroan (KHUNTO).

“Ida ne’e mak kompozisaun lejislatura da-lima nian ne’ebé deputadu sira atu mai okupa”, dehan.

Parte seluk, sekretariadu PN mós prepara ona ajenda ne’ebé mak aban deputadu sira sei kumpre inklui giaun katak deputadu sira sei akompaña no sei tuir servisu saida iha aban.

Tanba ne’e ajenda aban nian mak deputadu sira sei aprova projetu deliberasaun ida atu konstitui komisaun eventuál ba verifikasaun poder sira katak atu kria komisaun eventuál ida ne’ebé kompostu hosi bankada parlamentár hotu iha asentu parlamentár respeita ba prinsípiu reprezentasaun no proporsionál.

Entretantu, ajenda importante liu ida ba lejisltura da-lima mak sei presta juramentu perante ho povu liuhosi PN.

Alende ne’e mós sira sei determina oras ba eleisaun kargu Prezidente PN no loraik sira bele aprezenta kargu vise prezidente, sekretáriu, ho vise.

Jornalista: Zezito Silva

Editora: Rita Almeida

PUBLISIDADE HUSI MTCIiklan

1 KOMENTÁRIU

HAKEREK NO HATÁN

Please enter your comment!
Please enter your name here