Foto/MPF.

DILI, (TATOLI)-Ministériu Planu no Finansas (MPF) relata ona progresu ezekusaun Dotasaun Orsamentu Temporáriu (DOT) Maiu 2018 ne’ebé atinje porsentu 63.5 husi totál osan hamutuk millaun U$96,948,742 ne’ebé esklui empréstimu.

“Kompozisaun kona-ba ezekusaun Maiu 2018 mak hanesan saláriu no vensimentu porsentu 85, bens no servisu porsentu 45.1, kapitál dezenvolvimentu porsentu 78.2, transferénsia públika porsentu 54.8 no despeza kontinjénsia porsentu 91.6”, hatete fonte husi portál tranparénsia MPF ne’ebé Tatoli asesu ohin.

Iha ezekusaun duodecimo Abríl nian atinje porsentu 64.8 husi totál kapitál hamutuk millaun U$ 113,940,534 ne’ebé inklui empréstimu ho nian kompozisaun ba ezekusaun duodecimo mak saláriu no vensimentu porsentu 67.2, bens no servisu  42.6, kapitál dezenvolvimentu 52.7, transferénsia públika  55.3 no despeza kontinjénsia 67.1.

Sobre realizasaun DOT Marsu nian atinje porsentu 50 husi totál osan millaun U$104,631,399 ne’ebé esklui empréstimu nian. Ezekusaun DOT fulan refere mak saláriu no vensimentu porsentu 68, bens no servisu 48, kapitál dezenvolvimentu porsentu rua, transferénsia públika 78 no despeza kontinjénsia 20.

Iha duodecimal Fevereiru nia alkansa porsentu 60.2 husi totál kustu hamutuk millaun U$102.952.940 ne’ebé esklui emprestimu. Progresu kona-ba ezekusaun DOT fevereiru 2018 mak hanesan saláriu no vensimentu porsentu 88.1, bens no servisus 39.5, kapitál dezenvolvimentu 55.3, transferénsia públika 63.6 no despeza kontijénsia 76.1.

Iha DOT janeiru 2018 atinji porsentu 66 husi orsamentu hamutuk millaun U$101.168.285. “Kona-ba ezekusaun DOT fulan-janeiru 2018 mak hanesan saláriu no vensimentu porsentu 83.5, bens no servisu porsentu 44.9, kapitál dezenvolvimentu porsentu 64.3, transferénsia públika porsentu 85.3 no despeza kontijénsia porsentu 96.6”.

Aleinde ne’e duodecimo Juñu nian daudaun sei iha faze ezekusaun no orsamentu ne’ebé aloka iha fulan ne’e hamutuk millaun U$105.754,444 ka porsentu 91.4 husi tetu DOT ne’ebé esklui empréstimu.

Jornalista : Maria Auxiliadora

Editór : Manuel Pinto

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here