UNICEF.

DILI, (TATOLI) – Selebrasaun loron mundial ba aman nian sei selebra iha 17 juñu maibé United Nations Children’s Fund (UNICEF) ohin, lansa ona portal foun ho nia link www.parenting+site&ie=utf-8&oe=utf-8&client=firefox-b-ab, iha Nova Yorke hanesan parte hosi kampaña “Aman di’ak Liu” hodi rekoñese aman nia papél iha sira nia oan nia dezenvolvimentu.

Nota imprensa ne’ebé ajénsia Tatoli asesu katak selebrasaun loron Aman-nian iha kuaze país 90 iha fulan ne’e, tanba ne’e, UNICEF ohin loron lansa portál foun hanesan parte husi kampaña ‘Aman Di’ak Liu’ hodi rekoñese aman nia papél iha sira nia oan sira nia dezenvolvimentu no UNICEF husu apoiu liu tan ba aman sira iha mundu, inklui ba politika sira atu fó tempu no rekursu ho kualidade ba sira nia oan sira.

“Apenas hanesan liu inan-aman daruak ka lian par rua, aman sira mak rekursu dezenvolvimentu labarik di’ak liu mak ita iha, no karik ita fó ba sira hahú moris ne’ebé di’ak iha sira nia vida, ita tenke rekoñese lolos no utiliza papél ne’e”, dehan Sra. Pia Britto, Xefe Dezenvolvimentu Labarik Kiik UNICEF.

Portál online ne’e sei lori hamutuk aman sira iha mundu rai-klaran atu kompartilla sira nia tips aman -nian, sira nia esforsu, sira nia nesesidade sira, no sira nia susesu sira. Ne’e sei konta mós ‘klase mestri mini sira,’ ne’e mak aprezenta husi Xefe Globál Dezenvolvimentu Labarik Kiik Sra.

Pia Britto husi UNICEF ba dahuluk iha Sesame Stresst’s Grover ba importánsia protesaun, estimulasaun no nutrisaun di’ak ba dezenvolvimentu kakutak saudavél.

Kampaña ba ‘Aman Di’ak liu’ nia intensaun atu fó hanoin hikas inan-aman sira iha ne’ebé de’it katak wainhira aman sira fó aihan di’ak ba sira nia oan sira husi tinan hahú moris – liu husi fornese domin no protesaun, halimar ho sira, no apoia sira nia nutrisaun – sira nia oan sira sei aprende di’ak liu, iha problema hahok menus, saudavél liu, kontente nu’udar umanu ida.

UNICEF mós uza loron Aman-nian atu hafoun nia apelu atu harahun barreira kulturál no finansiál mak prevene aman sira husi fornese tempu ho kualidade ba sira nia oan sira.

“La iha tan tempu krítiku liu ba dezenvolvimentu kakutak iha loron 1,000 dahuluk iha labarik ida nia moris, no la iha evidénsia kresimentu isin mak aman sira nia involvimentu iha prosesu hirak ne’e. Maibé, evidénsia ne’e seidauk kona ho investimentu ba apoiu mak aman sira presiza urjente atu intensifika no sai aman di’ak liu nu’udar sira bele”, dehan Britto.

Avansu iha neurosiénsia prova ona katak bainhira labarik sira gasta sira tinan dahuluk iha sira nia moris – partikularmente iha loron 1,000 dahuluk – iha ambiente estimulativa no saudavél, sira nia kakutak bele dezenvolve ho lalais no optimál. Koneksaun neurál ne’e determina labarik nia abilidade kognitiva, sira nia saúde no felisidade, oinsa sira aprende atu hanoin, sira nia kapasidade atu lidera ho estres, no sira nia abilidade halo relasionamentu.

Nutrisaun di’ak, protesaun, halimar no domin iha primeira infansia provoka koneksaun neutrál iha labarik sira nia kakutak.

Peskiza sujere bainhira aman sira bele halo relasaun ho sira nia bebé sira nian vida hahú moris, sira bele dezempeña sira nia papél ativu liu iha sira nia oan sira nia dezenvolvimentu, no sei iha saúde psikolójika di’ak liu, autoestima no satisfasaun ba tempu naruk.

Iha kuadru-serie sira, Promove Dezenvolvimentu Labarik Kiik: husi eskala siénsia, lansa ona iha Outubru 2016, revela ona labarik tinan 5 mai kraik millaun 250 mak hetan risku ba susar atu dezenvovlve tamba raes-badak no moris kiak liu. Serie sira ne’e mós revela katak promosaun kuidadu saudavél bele gasta sentavus 50 per kapita kada tinan wainhira kombina ho prestasaun saúde sira ne’ebé iha ona.

Inisiativa ‘Aman Di’ak’ hanesan parte ida husi UNICEF nian Kampaña EarlyMomentMatter, ne’ebé nia objetivu atu viza liu ba aumenta kompriénsaun husi oinsa labarik sira nia esperiénsia sira iha vida infansia bele forma saúde future, moris di’ak, abilidade atu aprende, no saida mak sira sei hetan hanesan adultu sira.

UNICEF promove direitu labarik sira nian no moris di’ak ba labarik hotu ba buat hotu mak ita halo.

Hamutuk ho parseiru sira ita servisu ho país 190 no teritoriu sira atu harii mundo ida di’ak liu ba ema hotu. Ba informasaun detallu kona ba UNICEF no nia servisu ba labarik sira, bele vizita mós www.unicef.org/timor-leste.

Jornalista: Zezito Silva

Editora: Rita Almeida

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here