Xefe Estadu Maior FALINTIL-Forsa Defeza Timor-Leste (F-FDTL), Majór Jenerál Lere Anan Timur.

DILI (TATOLI)—Xefe Estadu Maiór FALINTIL-Forsa Defeza Timor-Leste (F-FDTL), Majór Jenerál Lere Anan Timur esplika, promosaun ba koronél na’in foin lalais ne’e nu’udar promosaun distinsaun, tanba ne’e nia la konkorda ho komentáriu hosi polítiku balun nian liga ho promosaun.

“Sira na’in haat la’ós tanba matenek liu, maibé tanba rekoñesementu ida hosi Estadu ba sira na’in haat ne’ebé hola parte ona harii Estadu,” Lere hato’o kestaun ne’e ba jornalista sira iha Palásiu Prezidente Nicolau Lobato, Bairru Pité, Dili, Kuartu ne’e, relasiona ho polítiku balun kestiona promosaun koronél na’in haat ba brigadeiru jenerál.

Serimónia promosaun koronél na’in haat ba brigadeiru jenerál sei hala’o iha Palásiu Prezidente Nicolau Lobato, aban (7/6) dadeer.

Koronél na’in haat ne’ebé atu simu promosaun maka hanesan João Miranda “Aluc”, Américo Ximenes “Sabica”, Cornélio Ximenes “Maunana” no Domingos Raul “Falur Rate Laek”.

Superiór F-FDTL na’in haat sei asume kna’ar iha área  Komponente Naval, Terrestre, Componente Apoiu de Servisu no Komponente Formasaun e Terrenu.

Antes ne’e, polítiku balun dehan molok promove koronél na’in haat ba brigadeiru jenerál, efetivu sira iha F-FDTL tenke barak no tenke akaba kursu jenerál.

Jornalista: Xisto Freitas

Editór : Manuel Pinto

 

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here