Foto/Google.

DILI, (TATOLI)- Diretór Nasionál Regulasaun Komersiál Ministériu Komérsiu no Indústria (MKI), Domingos da Costa Soares, hatete empreza lokál sira hala’o knaar ho di’ak atu atende nesesidade konsumidór nian liuliu ba bens konsumu esensiál sira.

“Ita-nia kompañia lokál sira agora haka’as aan kuandu produtu iha merkadu mamuk oinsá mak bele atende lalais nia kliente sira, entaun ne’e sira-nia knaar no atendimentu ida ne’ebé kapa’as tebes tuir nesesidade ne’ebé iha”, Domingos dehan iha Bebora-Dili, horisehik.

Sobre ekonomia Timor-Leste daudaun ne’e no nia kestaun polítika orsamentu ne’ebé la’o ho duodésimu mas setór privadu sira abitua tiha ona no praparadu ba ida ne’e.

“Tuir ami-nia koordenasaun servisu ho setór privadu, ami akompaña sira preparadu tebes. Sira lakestiona kona-ba polítika agora ne’e, mas oinsá mak sira halo atendimentu ba kliente sira”.

 Hatutan preokupasaun boot distibuidór ka kompañia rai-laran ne’e mak oinsá maka nesesita nesesidade konsumidór atubele hetan sasán ne’ebé fasil, baratu tuir kapasidade kompra nian no tuir hakarak.

“Ida ne’e mak durante ne’e sira oferese, ne’ebé setór privadu sira profisionál tebes hodi halo atendimentu ba konsumidór sira iha Timór laran tomak no ida ne’e maka papél ida ne’ebé durante ne’e la’o kuaze atu tama tinan ida mezmu ita la’o ho orsamentu duodésimu no maski sira la’o ho kapasidade ne’ebé limitadu, maibé maduru tebes ba kestaun ne’e”.

Jonalista : Maria Auxiliadora

Editór : Manuel Pinto

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here