Prezidente Koligasaun Aliansa Mudansa Ba Progresu (AMP), Kay Rala Xanana Gusmão

DILI (TATOLI)—Prezidente Koligasaun Aliansa Mudansa ba Progresu (AMP), Kay Rala Xanana Gusmão informa,  Prezidente Repúblika, Francisco Guterres Lú Olo, hein hela bainhira maka estrutura Parlamentu atuál deside loron atu fó tomada pose ba Parlamentu foun.

Xanana reforsa, tuir lei, durante loron 15 hahú hosi loron ne’ebé Tribunál Rekursu anunsia rezultadu eleisaun, Parlamentu sei toma pose no hafoin ida ne’e Governu mós sei simu tomada pose.

Prezidente AMP, Kay-Rala Xanana Gusmão hato’o informasaun ne’e ba jornalista sira iha Palásiu Prezidente Nicolau Lobato, Bairru Pité, Dili, Segunda ne’e,

“Tanba ne’e maka tantu Prezidente Repúblika no ami ami rasik hein hela bainhira maka estrutura Parlamentu atuál deside loron atu fó tomada pose ba Parlamentu foun,” Prezidente AMP, Kay-Rala Xanana Gusmão hato’o informasaun ne’e ba jornalista sira iha Palásiu Prezidente Nicolau Lobato, Bairru Pité, Dili, Segunda ne’e, hafoin realiza enkontru ho Prezidente Repúblika.

Objetivu hosi soru-mutu ne’e, Xefe Estadu hakarak rona AMP nia hanoin kona-ba oinsá prosesu formasaun Oitavu Governu.

“Tuir Konstituisaun, hafoin Tribunál Rekursu públika rezultadu eleisaun, tenke bolu partidu sira atu rona sira nia hanoin. Tanba ne’e, prezidente bolu ami hodi ko’alia kona-ba bainhira loos maka Parlamentu atu toma pose,” Xanana esplika

Iha fatin hanesan, Prezidente AMP ne’e, rejeita fó informasaun antisipadamente kona-ba figura sé maka sei sai Primeiru Ministru ba Oitavu Governu tanba tempu seidauk to’o.

“Prezidente Repúblika de’it seidauk husu ami sé maka atu sai Primeiru Ministru, agora imi (jornalista sira) husu uluk ona,” Xanana hatán jornalista sira ne’ebé husu kona-ba AMP nomeia figura sé atu sai Primeiru Ministru.

Enkuantu Partisipa iha enkontru ho Prezidente Repúblika maka Xanana rasik (CNRT), Taur Matan Ruak (PLP) no Armanda Berta (KHUNTO), akompañadu hosi José dos Santos Naimori Bucar (Konselleiru KHUNTO) no Francisco Kalbuadi Lay (CNRT).

Le ho ida ne’e : Lideransa AMP Hasoru Malu Ho PR Lú Olo

Jornalista: Xisto Freitas

Editór : Manuel Pinto

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here