Turista feto ida bainhira haree produtu lokál Boneka Ataúru nian.Imajen/Egas Cristovão.

DILI, (TATOLI)-Administradór Sentru Informasaun Turístika (SIT), Ministériu Turizmu, António da Silva, hatete númeru vizitante iha sentru informasaun turístika (SIT) tun iha períodu eleisaun antesipada Parlamentár (EAP) nian mai to’o agora kompara iha inísiu sentru ne’e harii.

 “Bainhira ita hahú loke nia movimentu ne’e maka’as, aumenta tan ho ró kruzeiru, depois ita mai kedan ho eleisaun antesipada ne’e, iha inísiu Maiu to’o agora númeru vizitante tun”, António hatete iha SIT Lesidere, ohin.

Nia relata turista sira ne’ebé bá fatin (SIT) ne’e kuaze husu informasaun ne’ebé hanesan sobre viajen iha Dili laran no munisípiu.

“Uluk ita hanoin katak kestaun seguransa mak sai sira-nia preokupasaun mas sira mai husu informasaun jerál kona-ba turista nia hela fatin no di’ak mak rezultadu eleisaun di’ak, buat hotu la’o kapa‘ás no ami mós monitoriza mídia iha li’ur ne’e nia hakerek pozitivu ne’ebé ita-nia esperansa sei la muda ema nia hanoin kona-ba Timór depois eleisaun”.

Turista sira ne’ebé vizita Timor-Leste no rejistadu iha SIT durante Maiu ne’e iha ema na’in-25 ne’ebé mai husi Austrália, Europa no Ázia.

“Ita mós iha surpreza, Xina mós komesa mai mas la’ós ho grupu, sira mai ho família (fen-la’en), kolega sira. Sira hakarak esplora hotu fatin sira ne’ebé interesante ba sira hakarak bá, ne’ebé informasaun ne’e sira husu detallu liu hanesan Ataúru, Oekusi no munisípiu sira seluk”.

SIT ne’e inaugura iha 12 Marsu 2018 ho objetivu mak fasilita informasaun ba turista sira no ema lokál sobre sítiu turístiku iha Timor-Leste.

Jornalista : Maria Auxiliadora

Editór : Manuel Pinto

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here