DILI, (TATOLI) – Rezultadu Eleisaun Parlamentár Antesipada ne’ebé fó sai husi Tribunál Rekursu (TR) hatudu koligasaun partidária Aliansa Mudansa ba Progressu (AMP) sai vensedór ho votu 309.663 ne’ebé koresponde pursentu 49,6 husi totál eleitór hamutuk 784,286 koresponde pursentu 100.

Hatan ba kestaun ne’e Bispu Dioseze Dili, Don Virgílio do Carmo da Silva, iha esperansa ba partidu ne’ebé atu kaer governu halo povu moris hakmatek durante tinan lima nia laran.

“Esperansa ba tinan lima mak povu bele moris hakmatek, sente dezenvolvimentu, bele haree katak nai ulun sira ukun didiak no lori benifísiu ba povu ho transparénsia”, tenik Bispu iha salaun Katedrál, segunda ne’e.

Amu Bispu hatutan Nasaun marka tan istória foun ida ho sentidu hatudu maturidade nu’udar timoroan, maske iha impasse polítika durante kampaña, deskonfiansa iha hanoin katak atu akontese buat ruma, maibé situasaun la’o hakmatek durante prosesu eleitorál.

Bispu dehan tan tempu silénsiu polítiku sira ne’ebé povu fó fiar, liu-liu AMP ne’ebé oras ne’e dadauk buka hela oinsá atu bele harii estrutura ida ne’ebé metin.

“Hanoin ida ne’e mak ita hotu hein, saida mak sira fó sai mai ita hotu, maibé buat ida esperansa mak iha silénsiu nia laran sira bele garante governu ne’ebé mak metin, tanba sira kaer malu metin”, tenik.

Metin, tuir nia nai ulun sira bele kaer malu hodi garante governu ne’ebé unidu no lori progressu, dezenvolvimentu no governu ne’ebé transparente, responsabilidade, tanba kompromisu ne’ebé partidu polítiku sira fahe ba povu durante kampaña, hein katak bele iha rezultadu.

Jornalista: Julia Chatarina

Editora: Rita Almeida

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here