STAE Seidauk Rona Ema Hakuak Bulletin Votus Iha Kovalima

0
97
Diretór STAE, Acilino Manuel Branco. Foto Tatoli/Egas Cristovão

DILI (TATOLI)—Diretór Jerál Sekretariadu Tékniku Administrasaun Eleitorál (STAE), Acilino Manuel Branco, dehan parte STAE seidauk simu informasaun kona-ba livru bulletin votu rua ne’ebé kanseladu, tanba ba iha bulletin votu hamutuk 100 mak iha ona marka alias tuu kuak iha númeru haat (4), iha munisípiu Kovalima.

“Ha’u kuandu fó informasaun presiza informasaun ne’ebé klaru ba públiku, kazu munisípiu Covalima, ami seidauk simu informasaun” Diretór Jerál STAE, Acilino Manuel Branco ba Ajénsia Tatoli liuhosi via-telefónika, ohin.

Tuir nia katak bulletin votu distribui iha 4 Maiu foin lais ba munisípiu hotu no Oe-Cusse inklui Diaspora, maibé liuhosi prosesu verifikasaun kuandu materiál sensitivu to’o ona iha fatin destinasaun, sé kuandu akontese nune’e, sei iha prosedimentu ruma ne’ebé mak atu prosesa aktu ne’e.

“Kazu ida ne’e la’ós foin mak akontese maibé bebeik ona iha períodu eleisaun hirak liu ba kotuk, tanba ne’e tenke verifika,” nia fó hanoin.

Maibé to’o agora ami seidauk hetan informasaun ofisiál ruma, sé agora mak sei akontese nafatin, presiza atensaun no iha prosedimentu ruma atu hatán.

Sé kuandu hahalok ne’e mosu duni no deteta ona, entaun presiza hadi’a atu eleisaun antesipada iha transparénsia.

Entretantu kazu ne’e akontese iha munisípiu Kovalima depois simu materiál sensitivu no halo verifikasaun hosi STAE, CNE munisípiu ho prezensa fiskais partidu polítiku sira. Iha rezultadu verifikasaun ba bulletin votu provizóriu hosi postu administrativu haat, iha livru rua bulletin votu ba sentru votasaun Loro-kida iha Postu Administrativu Fohorem, mak tuu kuak ona iha koluna partidu ho númeru sorteiu 4 (Fretilín)

Jornalista : Zezito Silva

Editór : Manuel Pinto

HUSIK IDA HATÁN