iklan

NASIONÁL

MP Finaliza Kazu Korrupsaun Hamutuk 109

MP Finaliza Kazu Korrupsaun Hamutuk 109

Prokuradór Jerál Repúblika (PJR), José da Costa Ximenes.

DILI (TATOLI)–Prokuradór Jerál Repúblika (PJR), José da Costa Ximenes hateten Ministériu Públiku (MP) finaliza ona kazu korrupsaun hamutuk 109.

Entre kazu ne’e, nia dehan, balun arkiva, balun akuza no balun ne’ebé akuza iha ona Tribunál nia liman.

Antes ne’e, Ximenes haktuir, relativamente ho krime korrupsaun, Ministériu Públiku entrega prosesu kazu korrupsaun hamutuk 28 ba Komisaun Antí Korupsaun (KAK) maibé KAK avoka tiha fali prosesu ida no termina prosesu 23 durante tinan ida.

“Dentru Ministériu Públiku iha serbisu Kombate Korupsaun no Kombate Krime Organizada. Ministériu Públiku delega kompeténsia prosesu 33 ba KAK no sira (KAK) termina prosesu 31,” Prokuradór Jerál hato’o informasaun ne’e ba jornalista sira iha Palásiu Prezidente Nicolau Lobato, Bairru Pité, Dili, segunda ne’e.

Ximenes hatutan kazu sira ne’ebé MP entrega ona ba Tribunál ne’e liuhusi investigasaun ne’ebé profundu, la’ós ‘doko rai’ de’it.

Jornalista: Xisto Freitas

Editór : Manuel Pinto

iklan
iklan

Leave a Reply

iklan
error: Content is protected !!