MDS Kria Planu Ba Feto Dame-Estabilidade

0
75
Foto google

DILI, (TATOLI) – Ministériu Defesa no Seguransa (MDS) ohin hala’o enkontru ho liña ministeriál no sosiadade sivíl hodi kria planu asaun ba feto bazea ba planu asaun nasionál Konsellu Seguransa Nasoen Unida 1325 kona-ba feto pás no seguransa.

Kordenadora feto ba dame no seguransa 1325 hosi MDS, Adelia Guterres, hateten objetivu sorumutu ne’e elabora polítika feto ba pás no seguransa, liliu atu enkaixa iha planu orsamentu  no programa iha ministériu idaidak no organizasaun sosiadade sivíl hodi implementa.

“Atu involve feto iha área hotu hahú hosi halo planu to’o implementasaun hodi evita diskrimasaun hasoru feto sira nia diretuʺ, dehan kordenadora ne’e ba jornalista sira iha edifísiu MDS, ohin.

Programa ne’e implementa hosi MDS ho liña ministeriál nomos organizasaun sosiadade sivíl ne’ebé hetan apoiu orsamentu no tekníku hosi UN Women hahú kedas 2012 to’o oras ne’e.

Planu asaun ne’e hetan aprovasaun hosi Konsellu Seguransa ONU aprova ho unaminidade iha 2000. Enkuantu TL hahú kria planu iha 2013, 2014 no hetan aprovasaun hosi governu iha 2016.

Obrigatóriu ba nasaun membru sira tenke implementa hodi aumenta númeru partisipasaun iha konstrusaun Estadu liliu halo planu no implementasaun iha área hotu hodi fó benefisíu direta ba feto.

Jornalista: Agapito dos Santos

Editora: Rita Almeida

HUSIK IDA HATÁN