“Ha’u Halo Ona Relatóriu Finál”

0
95
Sekretáriu Estadu Konsellu Ministru no Komunikasaun Sosiál, Matias Boavida

DÍLI, (TATOLI)-Sekretáriu Estadu Konsellu Ministru no Komunikasaun Sosiál, Matias Boavida hateten, nia iha intensaun atu bele dezenvolve komunikasaun sosiál sai hanesan pillar importante, ne’ebé bele hala’o kna’ar oinsá sai kontrolu sosiál ida ne’ebé di’ak ba país ida ne’e, infelizmente programa ne’e la liu.

“La signifika katak fulan walu ne’e, ami “mão cruzado”, la halo buat ida. Saida mak ami tenta halo, oras ne’e daudaun ha’u halo relatóriu finál ida atu bele entrega ba ha’u-nia susesór ne’ebé mak sei mai. Hein katak mai ne’e la hanoin, ho pensamentu ne’ebé atu nune’e de’it, maibé tenta kontinua atu haburas di’ak liu, ba órgaun sira ne’ebé ita iha,” dehan governante ne’e ba jornalista sira ohin iha otél Vila Verde, ohin.

Nia hatutan, serbisu hamutuk ho media na’in sira, atu bele dezenvolve di’ak liutan media iha Timor laran no barak liu ne’e ba jornalista sira ninia kna’ar mós.

“Nune’e, jornalista sira bele goza como jornalista, nu’udar no oinsá sai portavós públiku, povu. Nune’e vise-versa ita bele fó informasaun ne’ebé di’ak. Hein Sekretáriu estadu foun mai kontinua,” garante SEKOMS, Matias Boavida.

Jornalista: Rafy Belo

Editór : Manuel Pinto

HUSIK IDA HATÁN