Eleitór HNGV Hamutuk 599 La Vota

0
67
Eleitór ne’e tenke lakon direitu votu tanba naran la tama iha lista STAE ne’ebé Ospitál Nasionál aprejenta. Foto Tatoli/Agapito dos Santos

DILI, (TATOLI) – Pasiente, família pasiente, médiku, parteira no funsionariu Ospitál Nasionál Guido Valadares Bidau Toko Baru hamutuk 599  mala la ezerse direitu votu tanba naran la rejista iha lista Sekretariadu Téknika Administrasaun Eleitorál (STAE).

Tuir lista ne’ebé TATOLI asesu hosi ofisíal servisu HNGV rejista iha loron 11 maiu 2018, katak pasiente no família  pasiente 454 no médiku, parteira inklui funsionáriu ospitál hamutuk 145 maka ohin la-vota.

Hirak ne’e la vota tanba baixa hafoin maiu, enkuantu lista hosi HNGV aprova hosi STAE antes hamutuk funsionáriu 267,  pasientes inklui família pasiente 1065 maka  iha diretu vota, maibé maioria pasiente alta ona.

Enfermeiru iha unidade emerjénsia, Gil Ferreira Ximenes, preokupa ho lei ne’e tanba la ezerse diretu votu iha eleisaun.

ʺOhin ami hala’o hela servisu, ami la vota, presiza atu haree lei ne’e tanba ami lakon ami diretu nu’udar sidadaunʺ, dehan nia iha HNGV, ohin.

Iha parte seluk, pasiente Laurindo Alves hosi munisípiu Vikeke mós triste tanba la vota. ʺAmi la vota tanba kartaun eleitorál Vikeke nian maibé ami moras maka baixa iha ne’eʺ, lamenta nia.

Direitór Jerál STAE, Acilino Manuel Cabral, bainhira esklarese prosesu hahú eleisaun liuhosi konferénsia imprensa iha Kaikoli, ohin. Foto Tatoli/Rita Almeida

Hatan ba kestaun ne’e, Direitór Jerál STAE, Acilino Manuel Cabral, esklarese ho alterasaun dekretu governu númeru 21/2017 artigu 32 hatete kona-ba ema nia direitu votu tuir ninia resensiamentu.

Nune’e mós alterasaun dekretu governu númeru 4/2018 hatan ba deklarasaun mudansa rezidénsia, asisténsia ba defisiénsia sira, nomos fasilita eleitór iha vota ambulante mak akontese ba ospitál sira no dadur sira iha komarka.

Maibé prosediamentu vota ambulante ba ospitál nomos komarka mak STAE tenke simu lista númeru votante antes loron 10 tempu eleisaun hahú.

Atu hatan ba preokupasaun ne’e, Acilino dehan presiza define iha lei, nune’e bele garante iha ninia prosesu. Tanba ikus tenke haree ba prosedimentu, kumpri duni lei ou la’e.

“Hanesan orgaun tékniku orientasaun mak sei la implementa kualker atividade no akontesementu ses hosi lei”, afirma Acilino.

Jornalista: Agapito dos Santos

Editora: Rita Almeida

HUSIK IDA HATÁN