Defensór Públiku Presiza Toma Atensaun Ba Dadur Sira

0
28
Diretór Asosiasaun HAK, Manuel Monteiro

DILI, (TATOLI) – Diretór Asosiasaun Direitu Umanu no Justisa (HAK-sigla Indonézia), Manuel Monteiro, hateten prosesu julgamentu ba dadur sira balun la la’o di’ak tanba defensór públiku la atende ho sériu.

“Lamentasaun hosi prizioneiru sira kona-ba defensór ladun hasoru malu hodi trata sira nia kazu no update sira nia kazu”, dehan nia ba Tatoli iha Ministériu Defesa no Seguransa, ohin.

Dadur sira kontinua lakon atensaun no ‘direitu justisa’, mesmu totál defensór públiku 30 no juiz 30 hodi atende prizionariu iha komarka Bekora, Glenu no Suai 700 resin inklui kazu pendente seluk.

HAK rejista kazu ne’e hafoin organiza semináriu nasionál kona-ba prizioneiru mós iha diretu asesu justisa.

Alende problema menus orsamentu, alojamentu no seluktán ne’ebé apoiu mobiliza rekursu umanu iha instituisaun públika ne’e.

Tanba ne’e HAK prepara ona relatoriu kona-ba problema hodi entrega ba governu foun atu hadi’a iha futuru.

Jornalista: Agapito dos Santos

Editora: Rita Almeida

HUSIK IDA HATÁN