Alkatiri Optimista FRETILIN Manán Eleisaun

0
167
Sekretáriu Jerál FRETILIN, Mari Alkatiri

DILI (TATOLI)–Sekretáriu Jerál Partidu FRETILIN, Marí Alkatiri optimista katak FRETILIN sei manán eleisaun antesipada ne’ebé hala’o iha loron ne’e (12/5/2018).

Lider nasionál hato’o informasaun ne’e ba jornalista sira iha Sentru Votasaun Eskola Primária Faról, Dili, sábadu ne’e, hafoin ezerse ninia direitu votu.

Nia esplika FRETILIN bele manán eleisaun tanba nia programa di’ak oinsá atu liberta povu hosi kiak no mukit.

“Ha’u otimista 100% katak FRETILIN sei manán iha eleisaun ida ne’e. Ne’e ha’u laiha dúvida,” fundadór FRETILIN ne’e afirma.

Karik simu mós rezultadu lakon, Marí hatán, pergunta ida ne’e loloos husu ba líder partidu sira seluk tanba antes ne’e FRETILIN enfrenta ona manán no lakon.

“Husu ba sira (partidu seluk). Labele husu ba ami tanba FRETILIN fiar án la lakon,” nia dehan.

Sekretáriu Jerál FRETILIN ho nia komitiva vota iha fatin refere iha tuku 07:00 Otl no fatin votasaun ida ne’e iha hakmatek Nia laran tanba hetan seguransa hosi autoridade seguransa no observa direta hosi observadór nasionál no internasionál.

Jornalista: Xisto Freitas

Editór : Manuel Pinto

HUSIK IDA HATÁN