Komandante Jerál Polísia Nasionál Timor-Leste (PNTL), Komisáriu Júlio da Costa Hornay.

DILI, (TATOLI) – Komandante Polísia Nasionál Timor-Leste (PNTL), Komisáriu Júlio da Costa Hornay, hateten identifika ona suspeitu nain tolu ba kazu baku labarik nain haat hosi Rejiaun Autonomu Espesiál Ambenu Oekusi (RAEAO) foin lalais iha Raikotu, Dili.

ʺSuspeitu identifikadu, kazu ne’e rejista ona ba Ministériu Públikuʺ, hateten komisáriu ba jornalista sira iha Palasiu Prezidensiál Bairru Pité, ohin.

Polísia Investigasaun Kriminál seidauk detein suspeitu sira tanba  hein mandadu hosi tribunál.

Júlio Hornay hateten sei detein bainhira simu ona mandadu hosi tribunál iha tempu besik. Hodi hatutan komandante polísia sei la tolera kriminozu sira atu kontinua kria instabilidade.

ʺMaluk timoroan di’ak liu ses-án hosi atu krime hodi moris hakmatek, hala’o atividade ba sustenta morisʺ, tenik.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here