Prezidente EUA, Donald J. Trump

DILI (TATOLI)—Estadus Unidus Amérika (EUA) liuhosi deklarasaun portavós Heather Nauert kongratula Timor-Leste (TL) ba eleisaun antisipada parlamentár (EAP).

Estadus Unidus kongratula mós povu Timor-Leste ba nia partisipasaun iha eleisaun antisipada parlementar ne’ebé dame no kredivel iha loron 12 fulan Maiu.

“Ami fó parabéns ba órgaun eleitorál sira nia jestaun eleisaun nian. Ami mo’os apresia servisu hamutuk entre observadór internasionál no nasionál sira, liu-liu ba observadór sira husi organizasaun sosiedade sivil.”

EUA konsidera realizasaun EAP ne’e reprezenta pasu krusiál ida iha Timor-Leste nia demokrasia ne’ebé sei nurak.

“Ami kongratula partidu polítiku sira hotu ba sira nia partisipasaun no espera atu koopera ho governu foun hodi hakle’an liu tan amizade forte entre Estadus Unidus no Timor-Leste.” Heather Nauert espera.

Jornalista : Julia Chatarina

Editór : Manuel Pinto

HAKEREK NO HATÁN

Please enter your comment!
Please enter your name here