Sarani parókia Ai-mutin reza no sunu lilin ba vítima atake bomba hosi terorista ne’ebé akontese iha Surabaya-Indonézia semana kotuk. Foto Tatoli/Agapito dos Santos

DILI, (TATOLI) – Sarani Parókia Saun José Ai-Mutin, tersa ne’e hato’o sentidu solidaridade ba sarani Katólika iha Surabaya Indonézia ne’ebé hetan atake bomba hosi terorista iha semana kotuk.

Padre Paróku, Emanuel Lelo Talok, CMF, ne’ebé maka organiza sarani no kongresaun madre sira hodi sunu lilin no halo orasaun durante oras ida iha área Igreja.

ʺMai ita hotu harohan nafatin atu mundu hetan pás liliu vítima no família vítima sira ne’ebé hetan insidente ne’eʺ, dehan Amu ne’e, kalan ne’e.

Amu Emanuel husu ba sarani Katólika iha parókia ne’e hodi mantein pás no estabilidade hodi hametin Kreda no Nasaun.

Iha asaun sunu lilin ne’e sarani sira hatuur lilin ho lia-fuan ‘pray fór Surabaya from Timor Leste’ Orasaun ba Surabaya hosi Timor-Leste.

Jornalista: Agapito dos Santos

Editora: Rita Almeida

HAKEREK NO HATÁN

Please enter your comment!
Please enter your name here