Segundu Komandante Polísia Munisípiu Dili, Superintendente Euclides Belo. Imajen/TATOLI

DILI (TATOLI)–Segundu Komandante Polísia Munisípiu Dili, Superintendente Euclides Belo hateten situasaun jerál iha kapitál Dili la’o hakmatek.

“To’o agora situasaun la’o hakmatek. Laiha lakunas ne’ebé akontese tanba antes ne’e parte seguransa aviza ona ba komunidade Dili atu hametin estabilidade iha eleisaun antesipada,” Euclides hato’o asuntu ne’e ba jornalista sira iha Sentru Votasaun Eskola Primária Públika, Faról, Dili, sábadu ne’e.

Nia hato’o agradese wa’in ba komunidade Dili tanba asegura tebes estabilidade nune’e laiha asidente no insidente ne’ebé akontese iha tempu ida ne’e.

Iha terrenu, Euclides haktuir, Polísia Nasionál Timor-Leste (F-FDTL) hetan reforsa hosi FALINTIL-Forsa Defeza Timor-Leste (F-FDTL) espesialmente Polísia Militár no Unidade Marinha.

“Ami retira bainhira apuramentu rezultadu eleisaun ramata iha sentru no estasaun votasaun iha Dili laran tomak,” Euclides informa.

Jornalista: Xisto Freitas

Editór : Manuel Pinto

HAKEREK NO HATÁN

Please enter your comment!
Please enter your name here