iklan

NASIONÁL, DILI

Lú-Olo Husu Sidadaun Vota Ba Partidu Ne’ebé Programa Di’ak

Lú-Olo Husu Sidadaun Vota Ba Partidu Ne’ebé Programa Di’ak

Prezidente Repúblika, Francisco Guterres Lú Olu

DILI (TATOLI)–Prezidente Repúblika, Francisco Guterres Lú Olo hateten sidadaun Timor-Leste sei husik hela sira votu ida util  ba partidu ida ne’ebé aprezenta sira nia programa di’ak atu hadi’a povu nia moris.

“Loron ida ohin ne’e loron importante ba sidadaun Timor-Leste nian hotu-hotu, espesialmente ba votante sira hotu para bele mai iha urna atu husik hela votu ba futuru Timor-Leste nian,” Prezidente Repúblika hato’o informasaun ne’e ba jornalista sira iha Sentru Votasaun Eskola Primária Públika Faról, Dili, sábadu ne’e, hafoin ezerse direitu votu.

Lú Olo informa maske iha kampaña lider partidu polítiku sira soke malu ho linguajen oi-oin maibé hafoin eleisaun hotu-hotu tenke hamutuk ka fó liman ba malu atu hadi’a povu no Nasaun nia vida.

Iha biban ne’e, Xefe Estadu kongratula populasaun tanba durante kampaña to’o mai iha loron eleisaun laiha insidente ida grave ne’ebé afeta ba estabilidade nasionál.

Lú Olo mós hato’o parabéns ba PNTL no F-FDTL ne’ebé durante ne’e fó kontribuisaun maka’as hodi asegura eventu demokrátiku (kampaña eleisaun antesipada).

Jornalista: Xisto Freitas

Editór : Manuel Pinto

iklan
iklan

Leave a Reply

iklan
error: Content is protected !!