Foto/MPF.

DILI, (TATOLI) – Ministériu Planu no Finansas (MFP) distribui ona Dotasaun Orsamentu Temporária (DOT) ka duodésimu maiu 2018 ho totál millaun U$105.4 ne’ebé hetan redusaun porsentu 7.5 bainhira kompara ho DOT abril 2018.

Iha abríl ne’e DOT hamutuk U$105,455,059 ka ho porsentu 99 husi tetu DOT ne’ebé seignifika poupa de’it U$622,033 ka porsentu ida husi tetu dotasaun ne’e.

Tuir portál MPF ne’ebé TATOLI asesu ohin katak hosi totál millaun U$105.4 ba duodésimu fulan ne’e  bainhira esklui tiha empréstimu esternu hamutuk millaun U$96.9 de’it.

“En jerál redusaun ne’e tau ona iha konsiderasaun atividade eventuál balun no refleta mós despeza sira ne’ebé identifika katak sei la ezekuta durante fulan-maiu nia laran”, katak komunikadu ne’e.

Alokasaun duodésimu iha 3 maiu ne’e ba responsavel sira hosi liña ministeriál, instituisaun estadu no ajénsia autónoma sira atubele utiliza ba fulan ne’e durante vijénsia períodu duodesimál.

Sumáriu alokasaun pur kategoria bele haree iha kuadru tuirmai:

Jornalista: Maria Auxiliadora

HAKEREK NO HATÁN

Please enter your comment!
Please enter your name here