Majór Jenerál FALINTIL-Forsa Defeza Timor-Leste (F-FDTL), Lere Anan Timur akompaña hosi Komandante Jerál, Polísia Nasionál Timor-Leste (PNTL), Komisáriu Júlio da Costa Hornay, sesta, (20/10) loraik ne'e hafoin hasoru Prezidente Repúblika, Francisco Guterres Lú Olo iha Palásiu Prezidente Nicolau Lobato, Bairo Pité, husu ba ema hotu atu kontribui ba estabilidade. Foto dokumentasaun Tatoli/Xisto Freitas

DILI (TATOLI)–Xefe Estadu Maiór Falintil-Forsa Defeza Timor-Leste (F-FDTL), Lere Anan Timur, alerta ba membru Polisia Nasionál Timor-Leste (PNTL) no membru F-FDTL atu labele monu ba manobra polítika iha ámbitu festa demokrasia.

“Krize 2006 mosu tanba iha mós interese polítika, nune’e membru PNTL no F-FDTL labele monu ba manobra polítika,” Xefe Estadu Maiór F-FDTL, Lere Anan Timur ba Jornalista sira liuhosi konferénsia imprensa hamutuk ho Komandante Jerál PNTL, Kaikoli, ohin.

Tuir Lere, PNTL-FDTL  tenke neutru hodi nune’e ema la bele aproveita instituisaun rua ne’e hanesan instrumentu polítiku.

Iha fatin hanesan, Komandante Jerál PNTL, Julio da Costa Hornay, afirma ba membru PNTL no F-FDTL tomak tenke mantein nafatin orientasaun komandu, mantein nafatin neutralidade no imparsialidade iha servisu laran.

Iha konstituisaun Repúblika Demokrátika Timor-Leste (RDTL) ne’ebé konsagradu ona iha artigu 146 no 147 katak hametin imi nia neutralidade no imparsialidade iha imi nia servisu bainhira hala’o misaun iha térenu.

Membru seguransa hosi instituisaun seguransa rua presiza hala’o servisu tuir regra empeñamentu ne’ebé trasa ona iha planu operasaun seguransa ba eleisaun antesipada.

Nune’e husu ba membru PNTL ho F-FDTL atu labele involve an iha partidu polítiku maibé tau imi nia an nu’udar servidór povu, proibidu imi nia an iha envolvimentu atividade prátika polítika.

Jornalista : Zezito Silva

Editór : Manuel Pinto

HAKEREK NO HATÁN

Please enter your comment!
Please enter your name here