Padre Martinho G. da Silva Gusmão.

DILI (TATOLI) — Eis Pároku Parókia Manatuto, padre Martinho Gusmão, hateten problema ne’ebé jornalista timoroan sira hasoru iha ohin loron maka falta lee, tan ne’e ladun iha referénsia atu dezenvolve notísia ida.

“Ezemplu maka bainhira ko’alia kona-ba tratadu marítima, ha’u tenki lee jornál hosi rai seluk atu komprende duké notísia hosi jornal Timor nian”, hatete ba ajénsia Tatoli iha nia hela fatin relasiona ho loron mundiál ba liberdade imprensa.

Amu Martinho hatutan: “Ita nia jornalista sira ema ko’alia kona-ba bee no tasi, sira hakerek fatuk no ai. Tenke lee barak. Lee beibeik molok hakerek”.

Padre ne’e husu atu jornalista sira tenke profisionál no domina kampu, se bele aprende sai jornalista kaliber internasionál.

Sabemos e podemos, e devemos vencer. Konserva memória liuhusi hakerek no hakerek atu konserva memória povu nian”, hatutan tan.

Tuir Amu Martinho jornalista hanesan prokuradór no juiz, ladún hatene halo cover both side (balansu), katak buka maka ema nia sala maibé la’ós lia loos.

“Ha’u hanoin ita nia jornalista sira lahatene liberdade no libertarianidade, nune’e estraga ita nia kultura demokrátika”, afirma.

Amu esplika liberdade signifika pozitivu, katak, oinsá maka moris tuir dalan no lia loos. Libertarianidade ka libertarian katak halo tuir hakarak de’it.

Jornalista: Xisto Freitas

Editora: Rita Almeida

HAKEREK NO HATÁN

Please enter your comment!
Please enter your name here