iklan

NASIONÁL, DEFEZA, DILI, POLÍTIKA

Lere Husu F-FDTL no PNTL Mantein Neutralidade

Lere Husu F-FDTL no PNTL Mantein Neutralidade

Xefe Estadu Maior FALINTIL-Forsa Defeza Timor-Leste (F-FDTL), Majór Jenerál Lere Anan Timur.

DILI (TATOLI)–Xefe Estadu Maiór FALINTIL-Forsa Defeza Timor-Leste (F-FDTL), Lere Anan Timur husu ba Polísia Nasionál Timor-Leste (PNTL) no F-FDTL mantein neutralidade ka labele hali’is ba partidu ruma.

“Ha’u apela ba F-FDTL no PNTL tuur hakmatek hodi kumpre imi nia misaun. Labele hali’is ba partidu ida,” lider Forsa Armada hato’o kestaun ba jornalista sira iha Palásiu Prezidente Nicolau Lobato, Bairru Pité, Dili, kuarta ne’e, relasiona pozisaun militár nian hodi asegura pás no estabilidade.

Tuir nia katak bainhira forsa seguransa no militár mantein neutru, bele iha eleisaun antesipada beibeik, maibé estabilidade iha Timor aseguradu.

“Eleisaun antesipada bele repete tan maibé ha’u dehan labele ona tanba povu kolen no gasta de’it osan ne’ebé loloos atu hadi’a povu nia moris,” Lere tenik.

Nia hatutan di’ak liu polítiku sira kaer interese nasionál ás liu duké interese partidu ka grupu.

“Laiha ema ida maka manán no laiha ema ida maka lakon. Timoroan hotu-hotu lakon no hotu-hotu manan,” nia esklarese.

Lere afirma, karik rezultadu eleisaun nafatin hanesan iha tinan kotuk (2017), Prezidente Repúblika iha kompeténsia hotu-hotu atu rezolve situasaun ne’e.

Jornalista: Xisto Freitas

Editór : Manuel Pinto

iklan
iklan

Leave a Reply

iklan
error: Content is protected !!