Prezidente Husu ParPol Faan Programa Iha Kampaña

0
106
Prezidente Repúblika, Francisco Guterres Lú Olo. Imajen Mídia Palásiu PR.

DILI, (TATOLI) – Prezidente Repúblika husu ba partidu polítiku (ParPol) no koligasaun partidária sira atu faan ida-idak nia programa iha kampaña eleitorál no asuntu Fronteira Marítima labele sai matéria kampaña tanba ne’e kestaun nasionál.

“Fronteira marítima la’os materia kampaña, ne’e interese nasaun nian rai maibé ba kampaña tenke aprezenta programa partidu politiku (ParPol) atu povu bele eskolle”, Xefe Estadu, Lú Olo nia entrevista hafoin asinatura paktu unidade nasionál hosi ParPol iha Komisaun Nasionál ba Eleisaun (CNE-sigla portugés), sabadu (7/4).

Maibé kuandu partidu polítiku balun ba ko’alia fali Fronteira Marítima iha kampaña entaun partidu seluk mós iha direitu resposta ba asuntu ne’e.

Lú Olo husu ba ParPol sira atu labele uza Fronteira Marítima hanesan matéria kampaña no ha’u fiar maun boot Kay Rala Xanana Gusmão tanba nia hatene asuntu ne’e nasionál la’ós partidu.

Kampaña eleitorál sei monu iha 10 abril no remata iha 9 maiu. Enkuantu eleisaun antesipada parlamentár sei monu iha 12 maiu.

Jornalista: Zezito Silva

Editora: Rita Almeida

HUSIK IDA HATÁN