Posibilidade, Sentru Votasaun Londres Muda Ba Petersburg

0
75
Diretór Jerál Sekretariadu Tékniku Administrasaun Eleitorál (STAE), Acilino Manuel Branco. Foto STAE

DILI, (TATOLI) – Diretór Jerál Sekretariadu Tékniku Administrasaun Eleitorál (STAE), Acilino Manuel Branco, hatete estabelesimentu sentru votasaun iha díaspora liliu iha Reune Unidu iha sidade Londres posibilidade bele muda fali ba sidade Petersburg tanba seguransa.

“Hanesan iha Austrália, Korea Súl no Portugal la iha problema kona-ba sentru votasaun, iha Reune Unidu liliu iha sidade Dunganon no Oxford mós la iha kestaun maibé iha sidade Londres bele iha posibilidade ba Peterbursburg”, afirma Acilino Manuel Branco ba jornalista sira hafoin hasoru malu ho pontu fokál partidu polítiku no koligasaun partidária iha edifísiu STAE, Kaikoli, ohin.

Acilino hatutan Ministériu Negósiu Estranjeiru no Kooperasaun iha inisiu informa ona ba STAE kona-ba sentru votasaun hirak iha rai liur no konsege públika ona iha Jornál Repúblika, maibé ikus iha mudansa tan, nune’e orgaun eleitorál koko konfirma nafatin atu bele hetan rezultadu loloos ba sentru votasaun.

“Tanba ne’e dala ruma sentru votasaun iha Londres sei muda nia fatin tanba kestaun balun no MNEK mak iha kompeténsia atu fó rezultadu”, haktuir tan.

MNEK koordena ho Embaixada Inglatera nian, liliu autoridade nasaun nian hodi disponibiliza fatin foun hodi utiliza sai sentru votasaun.

Sentru votasaun ne’e mak sei halo hela prosesu ajustamentu, tanba data limitasaun hela loron rua de’it ka ohin ho aban.

Sentru votasaun iha rai laran, STAE públika ona iha 26 abril iha Jornál Repúblika no hein tan mudansa hosi díaspora nian atu ajusta, tanba informalmente iha ona fatin atu konsidera mak iha sidade Petersburg. Enkuantu, totál sentru votasun iha rai laran no rai liur hamutuk 886.

Entretantu eleisaun antesipada parlamentár sei monu iha 12 maiu.

Jornalista: Zezito Silva

Editora: Rita Almeida

HUSIK IDA HATÁN