Moras Reumátiku Fuan Barak Iha Timor

0
258

DILI (TATOLI)—Diretór Jerál Prestasaun Servisu hosi Ministériu Saúde, Odete Viegas, informa katak, relatóriu peskiza hatudu, Timor-Leste, taxa ba moras reumátika fuan, boot iha Timor no moras refere bele hamate ema.

“Estudu hirak ne’e problema tebes, la iha tempu atu bele satisfás, ita tenke foti asaun agora,” Diretora Jerál Prestasaun Servisu, Odete Viegas hato’o iha nia intervensaun ba diskusaun ho parseiru sira iha Timor-Plaza, ohin.

Nia hatutan iha relatóriu ne’e mensiona katak, ema entre na’in 28 iha Timor hetan moras reumátiku fuan nian  kada loron. Ho ida ne’e Ministériu Saúde sei halo esforsu hodi parseria ho nasaun viziñu Australia no internasionál nian iha área saúde hodi luta hasoru moras refere.

Moras reumátiku fuan bele prevene no bele kura, tanba moras ne’e, cardiovascular ida ne’ebé afeta liu ema millaun 32 iha mundu, halakon ema nia moris hamutuk 275,000 kada tinan, tuir fonte federasaun fuan mundiál nian.

Normalmente, epizódiu moras isin manas reumátiku agudu, kauza hosi infesaun baktéria iha isin kulit no kakorok laran ne’ebé hetan asaun no tama ba estraga válvula kardíaka eh fuan.

“Ohin ita kompromete atu servisu hamutuk ho parseiru sira inklui East Timor Hearth Fund, eskola peskiza saúde iha Darwin no OMS dezenvolve planu asaun no matadalan kona-ba luta hasoru moras reumátiku fuan iha Timor-Leste,”  nia esplika.

Enkuantu estudu ba moras reumátiku fuan publika ona iha Jornál Medical Australia nian ne’ebé mai hosi peskiza datoluk hodi sukat moras reumátiku fuan ninian ne’ebé espalladu iha Timor-Leste, estudu ne’e hala’o ona iha fulan Outubru 2017 no suporta hosi no envolvimentu hosi Governu Timor-Leste.

Ekipa peskizadór kompostu hosi East Timor Heart Fund, Eskola Peskiza Saúde Menzies ne’ebé tais ona labarik estudante sira hamutuk 1400. Sira hetan ona katak prevalénsia ba moras reumátiku fuan iha Timor-Leste ne’e aas tebes iha mundu kompara ho nasaun seluk ho ema ne’ebé iha liña fronteira 35 no kazu definitivu ba ema rihun ida.

Estudu mós hatudu katak labarik feto sira iha tendénsia atu hetan moras reumátiku fuan nian kompara ho labarik mane sira. Husi labarik feto sira hetan tais ba estudu kona-ba moras reumátiku fuan nian kompara ho porsentu rua hosi labarik mane sira.

Nune’e mós, CEO East Timor Heart Fund, Stuart Thomson, hateten déskoberta ka estudu hirak ne’e nu’udar problema boot tanba ne’e tenke iha asaun urjente tanba moras ne’e bele sai dezastre.

Parte seluk mós, Honoravél Klínika ida iha Eskola Peskiza Saúde Menzies, Josh Francis, dehan moras reumátiku fuan  la trata bele oho foin sa’e barak durante sira nia moris.

Jornalista : Zezito Silva

Editór : Manuel Pinto

HUSIK IDA HATÁN