Lider Nasionál Haat Sei Hetan Seguransa Espesiál

0
332
Xefe Estadu Maior F-FDTL, Majór Jenerál, Lere Anan Timur. Foto Antonio Goncalves

DILI, (TATOLI) – Lider nasionál hanesan Xanana Gusmão, Marí Alkatiri, José Ramos Horta no Taur Matan Ruak, sei hetan tan membru seguransa hosi Polísia Nasionál Timor-Leste (PNTL) no membru FALINTIL-Forsa Defesa Timor-Leste (F-FDTL) hodi fó seguransa durante prosesu kampaña eleitorál.

Maske sira iha ona seguransa pesoál, maibé komandu rua hola desizaun hodi aumetan durante períodu kampaña.

Xefe Estadu Maior FALINTIL-FDTL, Major Jenerál Lere Anan Timur, hato’o durante enkontru koordenasaun entre instituisaun rua iha kuartel jerál Fatuhada, ohin.

Desizaun ne’e tuir Lere fó konsiderasaun ba lider nasionál, nu’udar aman no fundadór nasaun atu seguru durante kampaña to’o eleisaun.

Tuir planu temporáriu hosi komandu rua katak iha posibilidade sei koloka seguransa hamutuk ema 20, kada lider ida sei hetan nain lima.

Enkuantu,  ba membru governu no deputadu hosi partidu polítiku sira, komandu rua ne’e sei la koloka ba kada individu tanba iha ona seguransa jerál ne’ebé koloka iha terenu.

Jornalista: Agapito dos Santos

Editora: Rita Almeida

HUSIK IDA HATÁN