KI Sensibiliza Lei KomSos Ba Forsa Sira

0
38
Prezidente Konsellu Imprensa, Virgilio Guterres. Dokumentasaun Tatoli

DILI, (TATOLI) – Konsellu Imprensa (KI) ohin sensibiliza lei Komunikasaun Sosiál (KomSos) ba ofisiál sira iha instituisaun FALINTL-Forsa Defesa Timor-Leste (F-FDTL) hodi fó kontribuisaun ba jornalista sira bainhira halao kobertura iha área defeza.

Sensibilizasaun ne’e KI aprejenta kona-ba lei KomSos númeru 5/2014 ne’ebé regula prinsípiu fundamentál lima hanesan diretu ba informasaun, liberdade imprensa, liberdade atu ko’alia, bandu halo sensura, limitasaun ba liberdade imprensa.

Alende ne’e kona-ba regulamentu númeru 8/2017 19 maiu kona-ba prinsípiu jerál sira ne’ebé bele aplika ba orgaun no meiu KomSos iha format eletróniku ka mídia cyber nomos regulamentu númeru 4/2017, 4 abril kona-ba prosedimentu ba diretu hatan no ratifikasaun.

Prezidente KI, Virgilho Guterres, hateten fahe informasaun ba forsa sira kona-ba papel jornalista iha  mídia KomSos hodi asesu informasaun iha área defesa.

ʺLiuhosi koperasaun ne’e ita instituisaun ne’ebé bele intende di’ak liután área kobertura jornalista sira bele asesu no labeleʺ, dehan Prezidente KI iha Kuartel Jerál F-FDTL Fatuhada.

Majór F-FDTL ne’e realsa respeita servisu jornalista, sensibilizasaun ne’e atu hametin relasaun entre forsa no jornalista sira.

Entretantu, Xefe Estadu Maior FALINTL-FDTL (F-FDTL), Majór Jenerál Lere Anan Timur, hateten mídia nu’udar fatór importante ba dezenvolvimentu.

ʺMídia bele kobre buat barak, bele ko’alia polítika, ekonómia, finansa no área hotu ne’ebé hola parte iha vida umanaʺ, tenik.

Públikasaun mídia tenke konstrutivu no kontrolu sosiál hodi  apoiu prosesu dezenvolvimentu la’ós destrotivu.

Mídia nu’udar edukadór, tanba tuir Lere Anan fó edukasaun sívika ba povu liuhosi informasaun.

Jornalista: Agapito dos Santos

Editora: Rita Almeida

HUSIK IDA HATÁN