Embaixadór Loro Horta Entrega Materiál Timor-Leste ba Kuba

0
246
Loro Horta Entrega Materiál kona-ba Timor-Leste ba Cuba. Foto: radioenciclopedia.cu

DILI, (TATOLI) – Embaixadór Timor-Leste (TL) ba Kuba, Loro Horta, entrega materiál importante hanesan livru, revista no filme dokumentáriu kona-ba istória no kultura TL ba Kuba, liliu Biblioteka Nasionál José Marti (BNCJM-sigla ho españa), iha ámbitu komemorasaun tinan 116 fundasaun ne’e nian.

Tuir informasaun radioenciclopedia.cu no atualiza mós iha portál rádiu ne’e nian, http://www.radioenciclopedia.cu, ohin TATOLI asesu katak embaixadór Loro Horta entrega mós objetu tradisionál timoroan sira nian ba Al Museo Casa de Asia, iha Sentru Istóriku Havana, nune’e mós moeda Timor-Leste nian ba Museo Numismático de la República de Cuba.

Ho prezente ne’e bele fasilita Kubanu sira atu kuñese istória no kultura Timor-Leste no hametin liutan kooperasaun bilaterál.

Nune’e mós vizitante estranjeiru sira ne’ebé mak kada loron vizita instituisaun no sentru kulturál iha kapitál Kuba nu’udar sentru istóriku Havana, patrimóniu umanidade, kuñesidu iha mundu nu’udar múzeu ne’ebé admirável, galeria, monumentu no biblioteka bele atrai no fó admirasaun ba tradisaun furak sira husi nasaun oriente.

Jornalista: Rafy Belo

HUSIK IDA HATÁN