CNE Relata Progresu Kampaña Eleitorál Ba MNEK

0
137
Prezidente CNE, Alcino Barris. Foto CNE

DILI, (TATOLI) – Prezidente Komisaun Nasionál ba Eleisaun (CNE-sigla portugés), Alcino Barris, relata atividade kampaña eleitorál ho nia progresu durante loron rua nian ba Ministru Negósiu Estranjeiru no Kooperasan, Aurelio Guterres, iha CNE Kaikoli, ohin.

“Ami halo avaliasaun ona no ha’u informa ba Ministru Negósiu Entranjeiru no Kooperasaun kona-ba kampaña eleitorál ne’ebé hahú iha 10 to’o 11 abril ne’ebé la’o di’ak no hakmatek nia laran”, Alcino Barris ba Tatoli.

Hodi haktuir katak MNEK husu kona-ba irregulariedade iha kampaña maibé kampaña dahuluk hosi Aliansa Mudansa ba Progresu (AMP) nian ne’ebé elementu balun utiliza palku hodi reprova desizaun orgaun soberania nian no AMP hato’o kontestasaun kona-ba ema balun uza figura hosi AMP nian hodi halo propaganda atu a favor ba sira, nune’e mós kazu kiik oan balun ne’ebé konsidera kazu sivíl.

“Haree ba situasaun hirak ne’e akontese iha facebook molok kampaña eleitorál no konsidera kazu sivíl no bele lori ba tribunál”, katak.

Hatutan tan to’o agora orgaun eleiorál seidauk deteta kazu grave ruma iha perante kampaña durante loron rua nia laran, tanba partidu polítiku sira ho konviksaun kumpre lei no regra sira eleitorál nian.

Informasaun hirak ne’e bele ajuda MNEK kuandu hasoru malu ho nia ómologu sira kona-ba progresu kampaña eleitorál, katak tan.

Alénde ne’e mós ko’alia kona-ba oinsá ema atu akompaña materiál sensitivu ba rai liur tanba kalendáriu operasionál sei transporta iha 4 maiu, maibé hetan konkordánsia katak hosi sentru votasaun uluk, sira hosi funsionáriu no diplomata sira mak mai lori materiál hirak ne’e no sentru votasaun foun tolu ne’ebé aseitavél, sira hosi embaixada MNEK mak sei akompaña.

Materiál sensitivu eseptu fatin tolu ne’ebé loke foun, hosi ema iha ne’e mak sei lori ba no sentru votasaun uluk, sira mak sei mai hafoin lori ba.

Enkuantu, kampaña eleitorál hahú iha 10 abril to’o 9 maiu. Entretantu, eleisaun antesipada parlamentár se akontese iha 12 maiu.

Jornalista: Zezito Silva

Editora: Rita Almeida

HUSIK IDA HATÁN