Autoridade Karabalu Preokupa Kondisaun Idoza Ana Maria

0
58
Idoza Ana Maria ho ninia kondisaun hela fatin. Foto Agapito dos Santos

VIKEKE, (TATOLI) – Xefe suku Karabalu, postu administrativu Vikeke, munisípiu Vikeke, João Salsinha Pinto, preokupa kondisaun hela fatin idoza Ana Maria ne’ebé hela iha uma ho kondisaun ‘la favoravel’ durante tinan 12.

ʺHa’u sente triste haree kondisaun hela fatin avo Ana Mariaʺ, dehan autoridade lokál ne’e ba jornalista Tatoli iha Vikeke, kinta semana ne’e.

Salsinha Pinto haktuir Ministériu Solidaridade  no Sosiál seidauk fó resposta  atu apoiu harii uma maske nia parte aprejenta ona relatóriu.

Maske nune’e, Universidade Pás promete ona sei apoiu materiál balun atu harii idoza ne’e nia hela fatin.

Xefe Suku ne’e hatutan idoza ne’e hanesan ema agrikultora ho kondisaun moris susar liu, tanba ne’e presiza hetan tulun hosi parte Governu.

Hosi parte seluk, xefe suku liuhosi ninia facebook apela ba lider partidu polítiku sira atu fó apoiu. ʺSente triste haree kondisaun hela fatin avo Ana Maria nian, atu ajuda maibé kbiit maka la to’o, karik nai lideransa partidu balu bele ajuda ou fó tulun netik baʺ, apela nia liuhosi ninia facebook.

Jornalista: Agapito dos Santos

Editora: Rita Almeida

HUSIK IDA HATÁN