Prezidente Movimentu Dezenvolvimentu Nasionál (MDN), Reis Cadalac bainhira dada lia ho Ajensia TATOLI iha sede UNDERTIM, Becusse.

DILI (TATOLI) – Prezidente Movimentu Dezenvolvimentu Nasionál (MDN), Reis Kadalak, afirma bainhira MDN manan iha eleisaun antisipada, sei hametin uluk governasaun, hari sosiedade ne’ebé dignu, justu no prósperu.

“Atu liberta povu maubere, tenke hametin uluk governasaun di’ak nó mós estabilidade nasionál. Rua ne’e mak metin, la’o di’ak no klaru tuir nia dalan, entaun bele dezenvolve ona Kresimentu ekonómiku povu tomak ninian,” Reis Kadalak hato’o ba Ajénsia TATOLI iha sede UNDERTIM iha Becusse foin lais ne’e.

Koligasaun MDN ne’ebé kompostu (Asosiasaun Populár Monarquia Timorese (APMT), Partidu Liberta Povu Ai leba (PLPA), Movimentu Libertasaun Povu Maubere (MLPM) no Partidu Unidade Rezisténsia Timorese (UNDERTIM), hakarak, libertasaun povu tenke reflete kreximentu ekonómiku ne’ebé di’ak tanba ne’e presiza hametin empreza públika no privadu atu hamate dezempregu iha rai laran, basa ohin loron joven barak mak laiha servisu.

MDN bainhira manan, sei hasa’e mós saláriu funsionáriu estadu nian, hosi dolar 500, nu’udar saláriu mínimu, sa’e dolar 1.100, polítika ida ne’e sei ajuda redús pratika korrupsaun.

“Kuandu funsionáriu ida hetan osan di’ak, nia sei la foti osan ne’ebé la’ós ninian no nia kumpre de’it ninia funsaun ba halo servisu, nune’e mós nia sei iha kapasidade atu sosa sasán. Ho saláriu mínimu US$115 la to’o ba nesesidade povu nian.” Kadalak reforsa.

Bainhira hetan fiar, MDN hakarak halo mós revizaun ba konstituisaun RDTL, tanba tuir MDN konstituisaun ida agora la bazeia ba kondisaun povu alias abut la metin.

“MDN lingua Tetun, tenke sai lingua ofisial únika ba Timor Leste.” Nune’e mós koligasaun defende atu iha osan rasik.

Jornalista: Julia Chatarina

Editór : Manuel Pinto

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here