Diretór STAE, Acilino Manuel Branco. Foto Tatoli/Egas Cristovão

DÍLI,(TATOLI)– Diretór Jeral STAE, Acilino Manuel Branco hateten, STAE akredita ona observadóres nasionál hamutuk rihun rua resin, no observadór internasionál atus ida resin hodi halo observasaun ba eleisaun antisipada iha 12 Maiu 2018.

Observadór hirak ne’e mai hosi, Média Nasionál, Internasionál, sosiedade sivíl, Uniaun Europeia, Australia, Ajénsia Internasionál IRI, corpo Diplomátiku  hanesan Embaixada Amérika, Australia, Malázia no seluk tan.

 ʺMédia internasionál hanesan Lussa, Japaun, no média internasionál seluk tan inklui mós ita nia média nasionál RTTL, ANTIL,GMN  seluk tan,ʺ Diretór Jerál STAE iha Praia dos Quiroz Dili, Kinta ne’e.

Observadores  internasionál kompostu hosi Uniaun Europeia ema na’in 2, Australia 40, Indonézia ida,

STAE liuhosi Ministériu Administrasaun Estatál no Ministériu Negósiu Estranjeiru kontinua distribui karta konvite ba  observadores internasionál sira atu aplika antes  taka akreditasaun iha semana oin.

Enkuantu, observadores nasionál rihun rua resin ne’e kompostu hosi RENETIL, Fundasaun Mahein, NGO Forum, Belun, Luta Hamutuk, Lao Hamutuk, Sentru Dez, Oipas no Seluk tan.

ʺHo númeru ida ne’e bele kobre ona iha sentru votasaun iha territóriu tomak hodi observa eleisaun ne’e la’o tuir lei no prosedimentu legál,ʺ Alcelino espera.

Jornalista:Agapito dos Santos

Editór : Manuel Pinto

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here