Prezidente CNE, Alcino de Araújo Baris. Foto mídia CNE

DILI (TATOLI) – Prezidente Komisaun Nasionál Eleisaun (CNE-Sigla Portugés), Alcino Barris klarifika ba partidu polítiku sira no koligasaun partidária katak órgaun eleitorál hala’o nia servisu ho profisionál no imparsiál.

“CNE la inklina ba partidu A ka B, maibé servisu ho imparsiál,” Prezidente CNE, Acilino Barris liuhosi konferénsia imprensa iha CNE, Kaikoli foin lais hodi klarifika preokupasaun balun hosi Aliansa Mudansa ba progresu (AMP), husu imparsialidade ba órgaun eleitorál nian ba intervensaun hirak ne’ebé CNE halo durante kampaña eleitorál.

CNE halo servisu ho di’ak kuandu halo intervensaun ruma iha kampaña eleitorál, hanesan partidu polítiku ka koligasaun partidária sira ne’ebé kampaña liu oras, ida ne’e tenke intervene, la’ós CNE haree fali partidu ida di’ak no ida la di’ak.

“Kazu ida iha Suai, AMP halo kampaña, maibé liu ona oras, entaun CNE liuhosi delegadu sira halo intervensaun, ami la defende partidu ida duké partidu seluk,” haktuir nia.

Nune’e, CNE simu ona reklamasaun ka kontestasaun hosi partidu AMP dehan CNE haree liu ba partidu Fretilín duké partidu seluk hanesan publikasaun iha pájina CNE, maibé CNE hakarak klarifika katak ida ne’e lae tanba pájina CNE sei publika informasaun hotu hafoin kampaña hotu.

Maibé pájina CNE sei halo publikasaun kompletu tanba ne’e la iha diskriminasaun hosi partidu. Nune’e mós reklamasaun ida hosi AMP katak Indivíduu balun uza ID falsu lori difamasaun ba lider partidu sira AMP nian no daudaun ne’e, CNE dirije ona ba polisia atu halo investigasaun.

Enkuantu, bandeira AMP nian ne’ebé hatún iha Bobonaru, CNE hatán katak tanba bandeira ne’e hasae duni iha sentru votasaun ho nune’e komunidade sira iha ne’ebá hatún hodi ba hasae fatin dook hosi sentru votasaun.

Aleinde ida ne’e, CNE aviza ba partidu polítika sira katak labele uza convoy bainhira kampaña eleitorál.

Jornalista : Zezito Silva

Editór : Manuel Pinto

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here