Diretór Jerál Sekretariadu Tékniku Administrasaun Eleitorál (STAE), Acilino Manuel Branco. Foto STAE

DILI, (TATOLI) – Diretór Jerál Sekretariadu Téknika Administrasaun Eleitorál (STAE), Acilino Manuel Branco, hateten STAE akredita ona observadór nasionál hamutuk rihun rua resin no internasionál atus ida resin, nune’e bele sai testamuña ba lalaok sira iha eleisaun antesipada 12 maiu.

Observadór hirak ne’e maihosi mídia nasionál, internasionál, sosiadade sivíl, Uniaun Européa, ajénsia internasionál Institutu Peskiza Internasionál (IRI-sigla portugés), korpu diplomátiku hosi embaixada Amerika, Austrália, Malázia no seluktán. Observadór hosi Uniaun Europea ema nain rua, Austrália 40, Indonésia ida.

Mídia internasionál hosi Portugal mak ajénsia Lusa, hosi Japaun no seluk inklui mídia nasionál hanesan Radiu Televisaun Timor-Leste, ajénsia notísia Tatoli, Grupu Mídia Nasionál (GMN), katak Acilino iha Praia dos Coqueros, kinta ne’e.

STAE liuhosi Ministériu Administrasaun Estátal no Ministériu Negósiu Estranjeiru kontinua distribui karta konvite ba observadór internasionál sira atu hatama pedidu antes  taka akreditasaun iha semana oin.

Enkuantu, observadór nasionál rihun rua resin ne’e kompostu hosi organizasaun estudante rezisténsia RENETIL, organizasaun naun govermentál, Fundasaun Mahein, NGO Forum, Belun, Luta Hamutuk, Lao Hamutuk, Sentru Dez, Oipas no seluktán.

ʺHo númeru ida ne’e bele kobre ona sentru votasaun iha teritóriu tomak hodi observa eleisaun ne’e la’o tuir leiʺ, katak tan.

Jornalista: Agapito dos Santos

Editora: Rita Almeida

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here