Prezidente Autoridade Munsipál Ermera, José Martinho dos Santos Soares.

GLENO, (TATOLI) – Prezidente Autoridade Ermera, José Martinho dos Santos Soares, hateten ninia parte kontinua rona povu sira nian preokupasaun maibé autoridade munisipál seidauk atende tanba meius la sufisiente.

“Bainhira ha’u halo vizita ba eskola iha suku sira, komunidade komesa hato’o preukupasaun balun kona-ba edifísiu eskola ne’ebé mak aat, maibé ha’u dehan meius ne’ebé mak autoridade iha ne’e la sufisiente atu responde”, tenik ba TATOLI iha nia knaar fatin, ohin.

Autoridade ne’e akresenta estrada ne’ebé liga husi postu ida ba suku, bainhira tempu udan, estrada sira kotu no difikulta movimentu maibé obras públikas hanesan instituisaun Estadu falta ekipamentu atu hatan situasaun ne’e.

“Ita nia obras públikas iha ne’e hanesan edifísiu de’it, laiha ekipamentus. Bainhira haruka obras públikas atende proukupasaun komunidade, sira dehan tenke halo karta ida ba Dili hodi lori fali ba administradór munisipál Ermera asina para bele husu ajuda ekipamentu iha Institutu Jestaun Ekipamentu”, katak.

Nia husu ba governu foun mai toma atensaun, bainhira hakarak implementa polítika desentralizasaun ho sériu tenke haree ba nesesidade bázika komunidade.

Jornalista: Julia Chatarina

Editora: Rita Almeida

HAKEREK NO HATÁN

Please enter your comment!
Please enter your name here