Acilio Manuel Branco halo intervensaun semináriu kona-ba “Feto nia votu determina futuru nasaun nian” iha Timor Plaza ohin. Kinta (6/7). FOTO STAE

DILI (TATOLI)—Diretór Jerál, Sekretariadu Téknika Administrasaun Eleitorál (DJ-STAE) fó obrigado ba Repúblika Xina, tanba ajuda ona  urna hamutuk 1000, ba Timor-Leste hodi realiza eleisaun antisipada.

Urna sira difisil tebes atu ita hetan lais iha fatin ida, maibé liuhosi Ministériu Estatál no Ministériu Negósiu Estranjeiru no Kooperasaun nia esforsu lori husu ba Governu Xina no ohin ita bele hetan.” Acilino Manuel Branco hato’o ba jornalista sira iha edifísiu STAE, Kaikoli, Ohin.

Ho tulun ne’ebé iha, Acilino Manuel Branco fó parabéns ba governu Xina tanba ohin halo termu entrega urna mai Governu Timor, hodi fasilita festa demokrasia.

Urna sira ne’e STAE sei distribui ba iha sentru votasaun iha loron 4 Maiu hamutuk ho material seluk eleisaun nian.

Enkuantu iha realizasaun Eleisaun Antisipada ne’e, tuir kalkulasaun STAE sei presiza urna hamutuk 1000. Hosi total ne’ebé iha, horisehik to’o 330 no restu, ohin to’o hotu ona.

Iha parte seluk, Diretór Konsulár Ministériu Negósiu Estranjeiru no Kooperasaun (MNEK), Celio Moniz, akresenta molok urna hirak ne’e transporta hosi Xina mai, MNEK halo ona koordenasaun ho konsuladu iha Bali ho objetivu atu haree kampaña construction Sanhai atu lori urna mai to’o iha Bali hafoin Governu TL bele transporta hikas mai Dili

“Apoiu ne’e hanesan onra boot ida tanba, ami bele servisu hamutuk atu hodi transporta urna to’o iha ita nia rai,” nia haktuir.

Entretantu Governu liuhosi Ministru Administrasaun Estatál Valentim Ximenes fó obrigadu barak ba Governu Xina tanba bele apoia urna hamutuk 1000 mai Timor-Leste atu fasilita eleisaun antesipada.

“Obrigadu barak no hakarak fó apresiasaun boot tebes, tanba ho kooperasaun governu Timor-Leste ho Governu Xina liuhosi Embaixada bele realiza esforsu, no ohin Embaixada Xina entrega urna ho simbólikamente,” Valentim Ximenes fó obrigado.

Jornalista : Zezito Silva

Editór : Manuel Pinto

PUBLISIDADE HUSI MTCIiklan

HAKEREK NO HATÁN

Please enter your comment!
Please enter your name here