iklan

NASIONÁL, DILI, MUNISÍPIU

Empreza Portu Editora Lansa Ona Disionáriu Online Tetun-Portugés

Empreza Portu Editora Lansa Ona Disionáriu Online Tetun-Portugés

DILI (TATOLI)- Empreza Portu Editora husi Portugál  lansa ona disionáriu online iha lian Portugés-Tetun no Tetun-Portugés liuhusi plataforma infopedia.pt.

Tuir nota imprensa ne’ebé TATOLI asesu, kompañia ne’e divulga ohin, léksiku online ne’e ba dahuluk iha loron mundiál livru nian ne’ebé monu iha 23 Abríl kada tinan.

“Obra leksikográfiku sira ne’e halo ho baze disionáriu iha versaun surat tahan, ne’ebé publika ona iha 2017 husi Porto Editora nia reprezentasaun iha Timor-Leste, iha Plural Editores”, katak komunikadu ne’e.

Obra sira ne’e halo tuir akordu ortográfiku no banati lia-tetun ne’ebé iha ho investigasaun maka’as ne’ebé kompostu husi liafuan 22.000.

“Disionáriu online ne’e lasusar atu konsulta, lalais no di’ak liu iha dispozitivu ne’ebé de’it, komputadór, smartphone ka tablet, no sei sai hanesan ferrramenta ida iha aprendizajen ba lian ofisiál Timor-Leste nian”.

Ho disponibilizasaun disonáriu online sira iha lian Portugés-Tetun no Tetun-Portugés, infopedia.pt sei hametin ninia estatutu hanesan baze leksikográfiku boot liu iha lia-portugés ne’ebé inklui ona disionáriu 26 iha lian sia, portugés, inglés, fransés, alemaun, italianu, neerlandés, xinés, no agora tetun.

Sobre selebrasaun dia internasionál livru primeira vés realiza iha Paris (Fransa) husi Organizasaun Nasaun Unida ba Edukasaun, Siénsia no Kultura (UNESCO-sigla iha inglés), iha 1995 ho objetivu mak atu fó kondekorasaun ba livru sira no ba eskritór nomós promove kultura lee, publikasaun no direitu autór nian.

Jornalista : Maria Auxiliadora

Editór : Manuel Pinto

 

iklan
iklan

Leave a Reply

iklan
error: Content is protected !!