Estudante hasai foto hamutuk Embaixadór Korea do Súl iha Timor Leste, Chinbeom Lee.

DILI (TATOLI)-Embaixadór Korea do Súl iha Timor Leste, Chinbeom Lee, ohin, halo abertura kursu lian Korea, ba Alumni estudante Eskola Sekundáriu Tékniku Vokasionál- Grupu Teknolojia Indústria Bekora, hamutuk 150, durante fulan tolu, hodi ba  servisu iha Korea.

ʺTimoroan barak hakarak ba Korea, maibé tanba kapasidade lingua tanba ne’e governu Korea liuhosi Embaixada  hakarak suporta lian Korea ba estudante sira atu hatene para ba servisu iha Korea,ʺ Chinbeom Lee esplika iha Eskola Sekundáriu Tékniku Vokasionál- Grupu Teknolojia Indústria Bekora, ohin.

Nia dehan tan, bainhira programa ne’e susesu, nia parte hanoin atu estabelese mós formasaun lian Korea iha Eskola Tékniku sira seluk iha TL. Maski Governu Korea liuhosi ninia Ajénsia KOIKA apoiu ona osan millions 8 ba reabilitasaun ESTV-GTI. Nune’e mós, apoiu professor Voluntáriu ba Lian Korea no apoiu seluk tan.

Iha fatin hanesan, Diretór ESTV-GTI, Francisco Guterres, informa mós, Programa ne’e realiza tanba hetan kooperasaun servisu entre Governu Korea liuhosi ninia Embaixada no implementa hosi KOIKA, Ministériu Edukasaun, Sekretáriu Estadu Juventude no Trabalhu no ESTV-GTI Bekora.

“Husu ba partisipante Kursu atu aproveita formasaun ne’e, hodi ikus mai bele ba servisu iha Korea,” Francisco Guterres fó hanoin tan.

Jornalista: Agapito dos Santos

Editór : Manuel Pinto

HAKEREK NO HATÁN

Please enter your comment!
Please enter your name here