VARANDA DILI Hela Iha Suku Foun Bele Vota Iha Suku Tuan

Hela Iha Suku Foun Bele Vota Iha Suku Tuan

314

DILI (TATOLI)—Ministériu Administrasaun Estatál (MAE), Valentim Ximenes, informa, sidadaun sira ne’ebé oras ne’e hela iha suku foun, sei lalakon direitu ba votu, tanba bele ba vota iha suku tuan, ne’ebé antes ne’e pertense ba.

Ministru Valentim klarifika asuntu ne’e relasiona ho informasaun balun ne’ebé espalla katak, sidadaun ne’ebé la aprezenta deklarasaun rezidénsia ba Sekretariadu Tékniku Administrasaun Eleitorál (STAE), atu hetan kartaun eleitorál foun sei la hetan autorizasaun hodi vota.

“Ministériu Administrasaun Estatál klarifika ba públiku eh eleitór sira katak sidadaun eleitór sira ne’ebé simu ona Deklarasaun Rezidénsia, maibé la aprezenta ba Sekretariadu Tékniku Administrasaun Eleitorál (STAE) atu hetan kartaun eleitór foun  iha suku foun sei la autoriza atu vota. Sé eleitór sira iha suku foun, maibé barak mak la muda rezidénsia sei ba vota nafatin iha suku tuan,” Valentim Ximenes informa ba Jornalista sira iha eskritóriu STAE, Kaikoli, ohin.

Tuir Valentim eleitór sira lori de’it kartaun eleitorál hodi ba vota no labele lori dokumentus seluk, tanba dokumentu sira hanesan deklarasaun rezidénsia la iha atualizasaun hosi STAE hodi ezerse direitu votu iha sentru votasaun no estasaun votu.

Iha parte seluk, Diretór Jerál Sekretariadu Tékniku Administrasaun Eleitorál (STAE), Acilino Manuel Branco, akresenta STAE ladún fixa, ema hira mak  halo mudansa rezidénsia, maibé importante liu mak, tenke partisipasaun eleisaun iha loron 12 Maiu ho másimu.

Jornalista : Zezito Silva.

Editór : Manuel Pinto

HAKEREK NO HATÁN

Please enter your comment!
Please enter your name here